२६ साउन, काठमाडौं । होटेल व्यवसायी श्याम कक्षपतिको निधन भएको छ ।
स्थापित पर्यटन व्यवसायी तथा नाङ्लो ग्रुपको संस्थापक कक्षपतिको सोमवार दिउँसो निधन भएको हो । उहाँ केहि समयदेखि मुखको क्यान्सरबाट पीडित हुनुहुन्थ्यो । उपचारकै क्रममा उहाँको बैंककमा निधन भएको हो ।
कक्षपति हानका पूर्व अध्यक्ष हुन् भने शुभतारा स्कुलका संस्थापक समेत हुनुहुन्थ्यो । नेपालमा क्याफे संस्कार भित्राउन तथा चेन रेष्टुराँ खोलेर ममःलाई ब्राण्डिङ गर्न उहाँले महत्वपूर्ण योगदान दिनुभएको छ। उहाँको निधनमा होटल संघ नेपालले होटेल व्यवसायमा ठुलो क्षती पुगेको बताएको छ।