३ कात्तिक, काठमाडौं ।प्रधानमन्त्री शेरबहादुर देउवाले अविरल वर्षापछि देशभर आएको बाढी तथा पहिरोमा परेर घर भत्केकाका परिवारलाई तत्काल प्रति घरधुरी ५० हजार रुपैयाँ राहत दिने घोषणा गर्नुभएको छ। सिंहदरबारमा प्रधानमन्त्री देउवाको अध्यक्ष्यतामा आज बसेको विपद् जोखिम न्यूनीकरण तथा व्यवस्थापन राष्ट्रिय परिषदको बैठकबाट उहाँले सो राहत दिने घोषणा गर्नुभएको हो।

प्रधानमन्त्रीले उक्त बैठकमा देशभर गएको बाढीपहिरोबाट भएको धनजनको क्षतिबारे ब्रिफिङ लिनुभएको थियो।

यस्तै अन्य कृषिबालीलगायतका क्षतीका सन्दर्भमा आवश्यक अध्ययन गरेर त्यसका आधारमा क्षतिपूर्ति दिने राष्ट्रिय विपद जोखिम न्यूनीकरण तथा व्यवस्थापन प्राधिकरणका कार्यकारी प्रमुख अनिल पोखरेलले जानकारी दिनुभयो । त्यसका लागि कृषि मन्त्रालयको संयोजकत्वमा देशभर भएका क्षतिको लकत संकलन गरिने पनि उहाँले बताउनुभयो ।