२ फागुन, काठमाडौं । प्रमुख प्रतिपक्ष दल नेकपा एमालेले सभामुखले बोलाएको सर्वदलीय बैठक बहिष्कार गर्ने बताएको छ। प्रधानन्यायाधीश चोलेन्द्र शमशेर राणाविरुद्ध लगाइएको महाभियोगबारे समिति गठन गर्न बोलाएको सर्वदलिय बैठकमा नजाने एमालेले बताएको हो।

एमालेका नेता शेरबहादुर तामाङले सभामुखविरुद्ध संसदमा आवाज उठाईरहेको बेला उहाँलेनै बोलाएको बैठकमा उपस्थित हुनु अर्थपूर्ण नहुने बताउनुभयो। उहाँले भन्नुभयो,’एमाले त्यो बैठकमा जाँदैन । किनभने सभामुखप्रति हाम्रो असहमति रहँदै आएको छ । उहाँसँगै असहमति रहिरहेका बेला फेरि उहाँले नै बोलाएको बैठकमा जानुको अर्थ रहँदैन’,