काठमाडौं । प्रिसिला चान र मार्क जुकरबर्गले सन् २१०० सम्म मानव रोग उन्मूलन गर्न मद्दत गर्ने आफ्नो योजना घोषणा गरेका छन्। मेटाका मालिक र उनको श्रीमतिबाट यस्तो घोषणा गत मंगलबार आएको इन्साइडरले उल्लेख गरेको छ।
तिनीहरूले एक कम्प्युटिङ सिस्टम विकास गर्ने लक्ष्य राखेका छन्। कम्प्युटिङ सिस्टमबाट अनुसन्धानकर्ताहरूले एआई प्रयोग गरेर कोशिकाहरूको सूची बनाउछन्। र जसबाट रोगग्रस्त हुँदा तिनीहरूले कसरी काम गर्छन् भनेर अनुमान गर्न सकिन्छ। चान र जुकरबर्गले एक विज्ञप्तिमा भनेका छन्, डाटालाई नयाँ आविष्कारहरू गर्न प्रयोग गर्न सकिन्छ जसले मानव रोगलाई पूर्ण रूपमा हटाउन सक्छ।
‘म सधैं जीवविज्ञानीहरूको लागि उपलब्ध अधिक कम्प्युटिङ पावर हेर्न उत्साहित छु। त्यसैले यो समाचार देखेर म निकै उत्साहित भएँ,’ हार्वर्ड र एमआईटीको ब्रॉड इन्स्टिच्युटमा फार्मास्यूटिकल्स विकास गर्न कम्प्युटिङ प्रयोग गर्ने एनी कारपेन्टरले इनसाइडरलाई बताइन्।
यो आशाजनक भए पनि परियोजन सुरुवाती दिनमै रहेको उनले बताइन्।
‘उनीहरूले यस्तो घोषणा गरिरहेका छैनन्, ’हामीले एउटा विशेष काम गर्ने मोडल सिर्जना गरेका छौं,’ यसको सट्टा, तिनीहरू भन्छन्, ‘हामी नयाँ मोडेलहरू सिर्जना गर्न जीवविज्ञानीहरूको लागि उपलब्ध हुने स्रोत सिर्जना गर्ने योजना गरिरहेका छौं,’ कारपेन्टरले भनिन्।
चान जुकरबर्ग दम्पतिको इनिसिएटिभ एलएलसीले आफ्नो उत्पादन २०२४ सम्म सुरु गर्ने योजना बनाएको द रजिस्टरलाई बताए। कम्पनीले उक्त उत्पादनका लागि कति लगानी गर्ने भन्ने द रजिस्टरलाई उल्लेख गरेको छैन।
कम्पनीले प्रयोग गर्न चाहेको कम्प्युटर पार्ट्स उच्च माग र कम आपूर्तिमा भएकाले यसको लागत अधिक हुने द रजिस्टरले रिपोर्ट गरेको छ।
यसले कसरी काम गर्छ
कम्पनीले इमेज प्रोसेसिङ प्रशोधनका लागि डिजाइन गरिएका एक हजार ग्राफिक्स प्रोसेसिङ युनिटहरु-इलेक्ट्रोनिक सर्किटहरूबाट बनेको कम्प्युटर सिस्टम बनाउने योजना बनाएको छ। यी जीपीयूले डाटाबेसबाट स्वस्थ र रोगग्रस्त कोशिकाहरूलाई दृश्यात्मक रूपमा विश्लेषण गर्न सक्छ।
त्यसपछि यी डिभाइसलाई सार्वजनिक रूपमा उपलब्ध गराउन गराइने र अनुसन्धानकर्ताहरूले यसलाई नयाँ खोजहरू गर्न सहयोगी रूपमा प्रयोग गर्न सक्ने गरी कम्पनीले बताएको छ। यही कारण कारपेन्टर उनीहरूको प्रस्तावप्रति उत्साहित छन्।
अमेरिकाभरका प्रयोगशालाहरूसँग उनीहरूको बायोटेक्नोलोजी अनुसन्धानको लागि कम्प्युटिङ पावरमा समान पहुँच नभएको उनले भनिन्।
अनिवार्य रूपमा, उनले भनिन्, यदि यो प्रस्ताव सही छ भने, यसले ती अनुसन्धानकर्ताहरुको लागि समान अवसर प्रदान गर्न मद्दत गर्नेछ जसले नयाँ उपचार विज्ञानको खोजका लागि एआईको प्रयोग गर्न खोजिरहेका छन्।
