काठमाडौँ । उमेरले ४६ वर्ष काटिसके तैपनी पदयात्रामा रमाइरहेका छन् धादिङ गङ्गाजमुना ७ बुढाथुम धजेका टिवी घले ।
बुबा प्रेमबहादुर र आमा गौरी घलेका ८ औँ सन्तानका रुपमा विस २०३५ वैशाख १२ गते धादिङको गङ्गाजमुना गाउँपालिका वडा नं ७ (तत्कालिन बुढाथुम गाविस) धजेमा जन्मनुभएका घले १६ वर्षदेखि पदयात्रामा लाग्नुभयो ।
सुरुमा हिमालयन एक्सकर्सन कम्पनी दरबारमार्गमा भरियाबाट आफ्नो पेशालाई अगाडि बढाउनुभएका घले नेपालका पर्यटकीय सम्भावना बोकेका हरेक गन्तव्यमा पुग्नुभएको छ ।
विचमै पढाई छाडेर पदयात्रामा लाग्नुभएका घलेले हजारौँ आन्तरिक तथा बाह्य पर्यटकलाई नेपालको पर्वतीय सुन्दरताको अवलोकनसमेत गराईसक्नुभएको छ । घले विगत १७ वर्षदेखि नेपाल माउण्टेन ट्रेकर्समा आवद्ध भई कार्य गर्दै आउनुभएको छ । उहाँ हाल सोही कम्पनीको ट्रेकिङ गाईडका रुपमा कार्यरत हुनुहुन्छ ।