काठमाडौं । नेपाली कांग्रेस संसदीय दलको बैठक आज बस्दै छ । बैठक आज बिहान साढे ८ बजेका लागि बोलाइएको छ ।
नयाँ बानेश्वरस्थित संघीय संसद् भवनमा बस्ने बैठकले पार्टीबाट संसद्मा कसरी प्रस्तुत हुने भन्ने विषयमा निर्णय गर्नेछ । संसद्को बर्खे अधिवेशन आजैदेखि शुरु हुँदै छ ।
अघिल्लो अधिवेशनमा कांग्रेसले उपप्रधान तथा गृहमन्त्री रवि लामिछानेमाथि संसदीय छानबिन हुनुपर्ने माग राखेर संसद् अवरुद्ध गरेको थियो ।
अहिले पनि कांग्रेस सो अडानमा कायमै छ। आजको बैठकमा सो विषयमा समेत अब कसरी प्रस्तुत हुने भन्ने निर्णय समेत हुने कांग्रेसले जनाएको छ।