काठमाडौँ ।कांग्रेसका प्रमुख सचेतक रमेश लेखकले संसदीय छानबिन समिति बटमलाइन रहेको बताएका छन् ।
सचेतक लेखकले उपप्रधान तथा गृहमन्त्री रवि लामिछाने सहकारी ठगी प्रकरणमा छानबिन समिति नबनेसम्म कांग्रेस त्यसबाट पछि नहट्ने दलको बैठकले निर्णय गरेको जानकारी दिए ।
उनले भने, ‘रवि लामिछानेबारे संसदीय छानबिन समितिको मागबारे औचित्य पुष्टि भइसकेको छ । अब यो माग कांग्रेसको मात्र नभएर नेपाली जनताकै भएको छ । यदि सरकार विपक्षको मागलाई सम्बोधन गर्न तयार भएन भने सदनका बैठक प्रभावित भएमा त्यसको जिम्मेवारी सरकारले नै लिनुपर्ने निर्णय गरेको छ ।’
यस्तै उनले आजको बैठकमा आफूहरू कुरा राख्ने र त्यसपछि संसद्मा को को बोल्न माग गर्छन् सोही अनुसार अघि बढ्ने बताए ।
प्रतिक्रिया
सम्बन्धित समाचार
