नयाँदिल्ली । भारतीय सर्वोच्च अदालतले शुक्रबार दिल्लीका मुख्यमन्त्री अरविन्द केजरीवाललाई जुन १ सम्म अन्तरिम जमानत दिएको छ ।
उनलाई जुन २ मा जुनसुकै अवस्थामा आत्मसमर्पण गर्न भनिएको छ । उनको चुनावी अभियानमा कुनै प्रतिबन्ध लाग्ने छैन । तर उनले मुद्दाको बारेमा बोल्न पाउने छैनन् ।
दिल्ली रक्सी नीति मुद्दामा केजरीवाल ४० दिनदेखि तिहाड जेलमा छन् । उनी आज साँझसम्म जेलबाट बाहिर आउन सक्नेछन् । अदालतले शुक्रबार दिउँसो २ बजे एक लाइनमा फैसला सुनाएको हो । अदालतको पूर्ण आदेश भने आइसकेको छैन ।
सर्वोच्चले आफ्नो फैसलामा ३ कुरा भनेको छ – केजरीवालले मदिरा नीति मुद्दामा बोल्न पाउने छैनन्, चुनाव प्रचारप्रसार गर्न सक्ने र जुन २ मा आत्मसमर्पण गर्नुपर्नेछ ।
प्रतिक्रिया
सम्बन्धित समाचार
