काठमाडौं – नेपाल स्टक एक्सचेन्ज (नेप्से) को प्रमुख कार्यकारी अधिकृत (सीइओ)मा चुडामणि चापागाई नियुक्त भएका छन् ।
सोमबार बसेको मन्त्रिपरिषद्को बैठकले चापागाईलाई नेप्सेको सीइओमा नियुक्त गर्ने निर्णय गरेको हो ।
यसअघि चैत १२ गते बसेको मन्त्रिपरिषद् बैठकले नारदकुमार लुइटेललाई नेप्सेको सीइओ बनाउने निर्णय गरेको थियो । तर, उनको विरुद्ध उजुरी र विरोध भएपछि सरकारले चापागाई नियुक्त गरेको हो ।
झापाका चापागाईंले लामो समय सानिमा बैंक तथा सानिमा रिलायन्स लाइफ इन्स्योरेन्समा रहेर काम गरेका छन् ।
कृष्णबहादुर कार्कीको कार्यकाल सकिएसँगै नेप्सेको सीईओ पद माघ २५ गतेदेखि रिक्त छ ।
प्रतिक्रिया
सम्बन्धित समाचार
