काठमाडौँ, १२ मंसीर । ग्राण्डी अन्तर्राष्ट्रिय अस्पताल धापासीको सहकार्यमा टोखा नगरपालिका वडा नं ९ दिपज्योतीमा अटिजम र डाउन सिन्ड्रोमसम्बन्धी जनचेतनामुलक कार्यक्रम सम्पन्न भएको छ ।
ग्राण्डी अन्तर्राष्ट्रिय अस्पतालले आफ्नो सामाजिक उत्तरदायित्व कार्यक्रमअन्तर्गत टोखा नगरपालिका वडा नं ९ को सहकार्यमा अटिजम र डाउन सिन्ड्रोमसम्बन्धी जनचेतनामुलक कार्यक्रम आज सम्पन्न भएको हो ।
उक्त कार्यक्रममा ग्राण्डी अस्पतालकी न्यूट्रिसीयन डी।एस उषा शाहले बालबालिकाको पोषण, हेरचाह तथा समग्र बाल विकासका शारीरिक, मानसिक र सामाजिक पक्षहरूबारे सहभागीलाई आवश्यक ज्ञान र सीपको बारेमा जानकारी प्रदान गर्नुभएको थियो ।
उक्त प्रशिक्षणमा टोखा नगरपालिका वडा नं ९ भित्र मन्टेश्वरीमा अध्यापनरत शिक्षक, महिला स्वास्थ्य स्वयम् सेविका र वडाबासीले भाग लिएको ग्राण्डी अस्पतालकी कर्मचारी सुजना पोखरेलले जानकारी दिनुभयो ।
