बिश्वभर माहामारीको रुपमा फैलिएको कोरोना भाइरसको संक्रमणवाट बच्नका लागि रसुवाको सदरमुकाम धुन्चेमा किटनासक औषधि छर्किन थालिएको छ । कोरोना भाइरसको सम्भावित जोखिमबाट बच्नको लागि थप पूर्व सतर्कता अनुरुप किटाणु मार्न प्रयोग हुने किटनासक औषधि छर्कन सुरु गरेको हो ।
कोभिड १९ संक्रमण, रोकथाम, उपचार र नियन्त्रणका लागि ३ सय २० लिटर औषधिमा पानी मिसाएर छर्कन सुरु गरिएको प्रमुख जिल्ला अधिकारी अर्जुन भण्डारीले बताए ।
पहिलो दिन आइतबार सदरमुकाम धुन्चे बजार, क्वारेनटाइनस्थल, जिल्ला अस्पताल लगायतका बजार क्षेत्रमा १० जना टोलि परिचालन गरि छर्किएको उनले बताए ।
प्रदुषण निवारण अर्थात किटाणु मार्न प्रयोग गरिने यो औषधी अहिलेको समयमा पनि सान्दर्भिक हुने भएकाले जिल्लाभर नै किटनाशक औषधि छर्कनका लागि गाउँपालिका मार्फत समन्वय गरिरहेको समेत उनले बताए ।