३० बैशाख, काठमाडौं । नेकपा एमालेका वरिष्ठ नेता माधवकुमार नेपाल समूहको स्थायी कमिटीका नेताहरुको बैठक सकिएको छ । भर्चुअल माध्यमबाट भएको बैठकले अध्यक्ष केपी शर्मा ओली आफ्नो शर्त मान्न तयार भए सहमति गर्न तयार हुने निर्णय गरेको एक नेताले बताउनुभयो।
एमाले माधव नेपाल समुहले जेठ २ गतेकै अवस्थामा फर्किनुपर्ने माग राखेपनि ओली पक्षभने त्यसमा सहमत देखिएको छैन।
‘हाम्रो माग सबै कमिटीहरु २ जेठ २०७५ को अवस्थामा फर्कनुपर्छ भन्ने हो । यसमा केपी ओली तयार हुन्छन् भने सहमति हुन्छ,’ उहाँले भन्नुभयो। तर २ जेठ २०७५ को अवस्थामा एमाले पार्टी फर्कन्छ भन्ने इमान्दार सहमति गरिनुपर्नेमा नेताहरुले जोड दिएका छन् ।
त्यस्तै कि जेठ २ कै अवस्थामा नफर्की सामुहिक राजिनामा दिने नेपाल पक्षको स्थायी कमिटी बैठकले निष्कर्ष निकालेको छ।