एजेन्सी । दक्षिण भारतीय सिनेमाका सुपरस्टार अल्लु अर्जुन अभिनित आगामी एक्शन फिल्म पुष्पालाई दुई भागमा रिलिज गरिने भएको छ । यसबारे फिल्म निर्माण टिमले विज्ञप्ती जारी गर्दै जानकारी गराएका हुन् ।
निर्माण टीमका अनुसार यो बहुभाषी फिल्मको पहिलो भाग यसै वर्ष सिनेमाघरमा रिलिज हुनेछ । जबकि अर्को भाग २०२२ मा प्रदर्शन हुनेछ ।
अल्लु अर्जुनको यो पहिलो फिल्म हुनेछ जसलाई हिन्दीसमेत गरी ५ भाषामा रिलिज गरिनेछ । सुकुमारको निर्देशनमा बनिरहेको यस फिल्ममा अल्लु अर्जुनले पुष्पा राजको भूमिका निर्वाह गरेका छन् ।
फिल्ममा उनको अपोजिटमा रश्मिका मन्डाना देखा पर्नेछिन् । अल्लु र रश्मिका पहिलोपटक एकै फिल्ममा देखा पर्दैछन् । १३ अगस्टमा यस फिल्मलाई रिलिज गर्ने निर्माण टिमको तयारी छ ।