काठमाडौँ,४ जेठ
सौरब तामाङ र उर्मिला योञ्जन तामाङ फिचर्ड ‘चोली तिम्रो’ बोलको म्युजिक भिडियो डिजिटल बजारमा सार्वजनिक भएको छ।
गायक किरण भुजेल र प्राश्ना शाक्यको युगल गायनमा समावेश यस गीतमा गीतकार तथा संगीतकार प्रेम रामदामको शब्द संगीत रहेको छ। फणिन्द्र राईले यस गीतलाई संगीत संयोजन गरेका हुन्। गीत डान्सिङ बिटमा आधारित छ।
पुर्वको सुन्दर चिया बगान वरपर छायांकन गरिएको यस भिडियोलाई तिलक रिजालको छायांकन, सम्पादन र निर्देशनमा तयार पारिएको हो। एसटिएम मुभीमा पोस्ट प्रडक्शन गरिएको यस भिडियोलाई ‘गोलो प्रडक्शनको आधिकारिक च्यानल मार्फत सार्वजनिक गरिएको हो।