२३ जेठ, काठमाडौं । बालुवाटारस्थित ललिता निवासको जग्गा आफ्नो नाममा गरेका ४९ जनाले म्याद तामेल नगरे सो जग्गा सरकारी नाममा स्वत: नामसारी हुने भएको छ।
भूमिसुधार तथा मालपोत कार्यालय काठमाडौंले ४९ जनलाई म्याद तामेलका लागि २१ दिने हद म्याद दिई गोरखापत्रमा सुचना जारी गरेको छ।
मालपोत कार्यालयका कर्मचारी फिल्डमा जाँदा ४९ जनाको घर ठेगाना पत्ता नलागी म्याद तामेल हुन नसकेको भन्दै कार्यालय गोरखापत्रमा सूचना जारी गरेको हो ।
मालपोत कार्यालयले जग्गाधनीलाई सो जग्गा सरकारको नाममा ल्याउनु नपर्ने कारण भए २१ दिनभित्र कारण पेस गर्न भनेको छ । चोरोना संक्रमणका कारण मुलुक लकडाउनको स्थितिमा रहेकाले मालपोत कार्यालयको आधिकारिक इमेलमा कारणसहित पत्राचार गर्न अन्यथा सो जग्गा सरकारको नाममा नामसारी हुने जनाइएको छ ।