२६ जेठ, कर्णाली । कर्णाली प्रदेशसभाको आठौँ अधिवेशनको तेस्रो बैठक पनि प्रतिपक्षी दल नेकपा एमालेले अवरुद्ध गरेको छ । फौजदारी अभियोग लागेका भौतिक पूर्वाधार विकास मन्त्री अमरबहादुर थापालाई बर्खास्त नगरेसम्म संसद चल्न नदिने अडान एमालेले लिएको छ ।
पहिलो बैठकमा प्रारम्भमै एमाले कँडेलले फौजदारी अभियोग लागेका व्यक्तिलाई प्रदेश सरकारको मन्त्रीमा राखेकामा आक्रोश पोख्नुभएको थियो।
सोही अनुसार आज पनि प्रतिपक्षले सदन चल्न नदिएपछि सभामुख राजबहादुर शाहीले आधा घण्टाका लागि बैठक स्थगित गर्नुभयो।
मंगलबार बैठक नै नबसेर सुचना टाँस गरी स्थगित गरिएको थियो ।