१ असार, सुर्खेत । कर्णाली प्रदेशले आज ल्याउन लागेको नीति तथा कार्यक्रममा नेकपा एमालेले विपक्षमा मतदान गर्ने भएको छ । आज बसेको एमाले संसदीय दलको बैठकलेआज पारित गर्न लागिएको नीति तथा कार्यक्रमको विपक्षमा मतदान गर्ने निर्णय गरेको हो ।
चार सांसदको पुनर्बहालीपछि बसेको आजको बैठकमा माधव नेपाल पक्षका सांसद प्रकाश ज्वाला पनि सहभागी हुनुभएको थियो ।
माओवादी नेतृत्वको सरकारको नीति तथा कार्यक्रम प्रदेशसभामा आज निर्णयार्थ पेश हुँदैछ भने त्यसलाई एमालेले विफल बनाउने रणनीति बनाएको हो ।
३९ सदस्यीय प्रदेश सभामा एमाले एक्लैको २० सिट पुर्याएर सरकारलाई अल्पमतमा पार्ने र नीति तथा कार्यक्रम पारित हुन नदिने एमालेको रणनीति रहेको छ।
प्रतिक्रिया
सम्बन्धित समाचार
