२१ असोज, काठमाडौं । नेपाली कांग्रेसले हरेक वर्षको विजया दशमीमा आयोजना गर्दै आएको चियापान कार्यक्रम यो वर्ष भने नहुने भएको छ। कांग्रेसका मुख्य सचिव कृष्णप्रसाद पौडेलले बिहीबार एक सुचना निकाल्दै यो वर्ष कोरोना महामारीका कारण चियापान कार्यक्रम नहुने जानकारी दिनुभएको हो।
सुचनामा विजया दशमीको शुभकामना दिंदै भनिएको छ, ‘कोरोनाको त्रास र आकार घट्दै गएपनि जोखिमलाई नजरअन्दाज गर्न मिल्दैन’, ‘खोप अभियान सफल बनाउनु र जनताको जीवन रक्षामा समर्पित रहनु हामी सबैको दायित्व हो।’
कांग्रेसले हरेक वर्ष कोजाग्रत पुर्णिमाको दिन चियापान कार्यक्रम गर्दै आइरहेको छ।