४ कात्तिक, काठमाडौं । जनकपुरस्थित खानेपानी संस्थानका निमित्त प्रमुखमाथि दुर्व्यवहार गर्ने सीके राउतका १३ जना कार्यकर्ता पक्राउ परेका छन् ।

बिहिबार जनकपुरको खानेपानी संस्थानका निमित्त प्रमुख राजेश कुशवाहालाई कार्यकर्ताहरुले मोसो दलेर अर्धनग्न नगर परिक्रमा गरी दुर्व्यहार गरेको भन्दै प्रहरीले १३ जनालाई पक्राउ गरेको हो । पक्राउ परेका उनीहरुलाई जिल्ला प्रहरी कार्यालय धनुषामा राखिएको छ ।

बिहीबार लाठीसहित जनकपुर उपमहानगरपालिका घेराउ गर्न आएका उनीहरुले कुशहवाको लुगा खोलेर हिलो छ्याप्दै बजार घुमाएका थिए । खानेपानी कार्यालयले सडकमा ढल निकासीमा ध्यान नदिएको र कुशहवामाथि भ्रष्ट्राचारको आरोप रहेको भन्दै उनीहरुले दुर्व्यवहार गरेका हुन् ।