दीपा राई पुनको म्युजिक भिडियो’आमा’सार्वजनिक भएको छ । उक्त म्युजिक भिडियोमा अमेरिकाको बोस्टन निवासि कवि तथा गीतकार दीपा राई पुनकै शब्द रहेको छ ।

गीतको भिडियोमा दयाहाङ राई, पशुपति राई र बिश्वास राईले अभिनय गरेका छन् भने गीतको संगीत संयोजन डी.आर.अटुले गरेका छन् ।

राजेश पायल राईको आवाज रहेको यो सुमधुर गीतलाई अनिल रानाले सम्पादन गरेका हुन् भने भिडियोको निर्देशन तथा कथा किरण चाम्लिङ राईको रहेको छ।

यो हृदयस्पर्षी गीतमा आमाको ममता र आशिर्वादलाई किराँत राई समुदायले अत्यन्त महत्वका साथ मान्छन् भन्ने कुरालाई दर्शाउन खोजिएको छ ।