काठमाडौं, २६ चैत्र । बागमती प्रदेशमा नेपाली कांग्रेसका दुई मन्त्रीले शपथ लिएका छन्।
आईतवार साँझ प्रदेश प्रमुख यादवचन्द्र शर्मासमक्ष नेपाली कांग्रेस संसदीय दलका नेता बहादुरसिं लामाले आर्थिक मामिला तथा योजना मन्त्री र कांग्रेसकै तीर्थबहादुर लामाले खानेपानी, ऊर्जा तथा सिंचाई मन्त्रीको शपथ लिएका हुन् ।
उनीहरुलाई प्रदेश प्रमुख यादव चन्द्र शर्माले पद तथा गोपनियताको शपथ खुवाएका हुन्।
बागमती प्रदेशमा कांग्रेस सबैभन्दा ठूलो दलको रुपमा रहेको छ।
बागमतीमा एमाले र राप्रपा सरकारबाट बाहिरिएपछि ७ वटा मन्त्रालय खाली छ । कांग्रेस नेताहरु सहभागी भएपछि पनि ५ मन्त्रालय मुख्यमन्त्री शालिकराम जम्कट्टेलसँगै छ । मुख्यमन्त्रीलाई विश्वासको मत दिएको नेकपा एकीकृत समाजवादी भने सरकारमा सहभागी छैन ।