काठमाडौं । निजी क्षेत्रको पहिलो चलचित्र “माइतीघर” का अभिनेता सीपी लोहनीको निधन भएको छ । उनको सोमबार निधन भएको हो ।
उनको आजै पशुपतिस्थित आर्यघाटमा अन्तेष्टि गरिने जानकारी अभिनेता कृष्ण मल्लले जनाएका छन् । उनको पार्थिक शरिरलाई आज ३.३० बजे आर्यघाट पुर्याइने बताइएको छ ।
सिपी लोहनीको नामले चर्चित उनको पूरा नाम चिदाम्बरम प्रसाद हो । अभिनेतासँगै गायकसमेत रहेका सिपीको ‘माइतीघर’ सिनेमामा काम गर्दैगर्दा आफ्नो समयकी चर्चित एवं सफल बलिउड अभिनेत्री माला सिन्हासँग प्रेम बसेपछि विवाह गरेका थिए ।
‘माइतीघर’ सन् १९६६ मा रिलिज भएको थियो । लोहनी झ्याउरे गीतका जानकार हुन् । उनी ८६ वर्षका थिए।
प्रतिक्रिया
सम्बन्धित समाचार
