काठमाडौँ । लोकप्रिय गीतकार अनिल खनालको नयाँ तीज गीत हर हर महादेव बजारमा आएको छ । छाडा र उत्ताउला गीतले नेपाली बजार तातिरहेका बेला खनालको शब्द तथा हेमराज डाँगीको संगीतमा यो रोचक टिपिकल तीज गीत बजारमा आएको हो ।

पछिल्लो समयकी भाइरल गायिका सिम्रन परियारलाई समेटेर तयार पारिएको यो गीतमा निष्पक्ष चञ्चलपूर्ण माया र भगवान शिवसँग तीजको किम्बदन्ती पनि जोडिएको देखिन्छ । तीजमा धन सम्पत्ति र गरगहना, तडक भडकभन्दा पनि आफुँलाई माया चाहिने भन्दै नारी प्रतिनिधिलाई उदार सादगी रुपमा देखाइएको छ।

गायक हेमराज डाँगी र भाइरल गायिका सिम्रन परियारको सुमधुर स्वर रहेको गीतको म्युजिक भिडियोमा गायक गायिका स्वयम् दिनेश र सिम्रनको अभिनय रहेको छ । भिडियोको निर्देशन दिनेश सिंह ठकुरीेले गरेका हुन् । गीत मालिका रेकर्डिङ स्टुडियोमा रेकर्ड भएको हो।