काठमाडौँ- नेकपा (एमाले) को सचिवालय बैठक जारी रहेको छ।
पार्टी अध्यक्ष केपी शर्मा ओलीको निवास गुण्डुमा बैठक बसिरहेको छ। बैठकमा मुलुकको पछिल्लो विकसित राजनीतिक घटनाक्रम, पार्टीको साङ्गठनिक सुदृढीकरण र समसामयिक विषयवस्तुमा केन्द्रित रहेर छलफल हुने कार्यसूची रहेको छ।
आजको बैठकमा महासचिव शंकर पोखरेल आफ्नो धारणा राख्नेछन्। हिजोको बैठकमा ५ जना उपाध्यक्ष बोलेका थिए।
पार्टी पुनर्गठन गर्नुपर्ने भन्दै उपाध्यक्षहरू विष्णु पौडेल, पृथ्वीसुब्बा गुरुङ, गोकर्ण विष्ट र रघुजी पन्तले ओलीको राजीनामा मागेका थिए। हिजो उपाध्यक्ष रामबहादुर थापा बादल मात्रै ओलीको पक्षमा बोलेका थिए।
प्रतिक्रिया
