काठमाडौं – सरकारले आगामी आर्थिक वर्ष ०८३/८४ का लागि बर्खे धानबालीको न्यूनतम समर्थन मूल्य तोकेको छ ।
कृषि, वन तथा पर्यावरण मन्त्रालयको प्रस्तावमा सोमबार बसेको मन्त्रिपरिषद् बैठकले धानको समर्थन मूल्य निर्धारण गर्ने निर्णय गरेको हो। सरकारका प्रवक्ता सस्मित पोखरेलले उक्त निर्णयबारे जानकारी दिएका हुन् ।
उनका अनुसार, मोटो धानको समर्थन मूल्य प्रतिक्विन्टल ३ हजार ६६० रुपैयाँ र मध्यम धानको समर्थन मूल्य प्रतिक्विन्टल ३ हजार ८६० रुपैयाँ तोकिएको छ ।
प्रवक्ता पोखरेलले भने, “आर्थिक वर्ष ०८३/८४ का लागि वर्षे धानबालीको न्यूनतम समर्थन मूल्य मोटो धानको रु ३६६० र मध्यम धानको रु ३८६० प्रतिक्विन्टल तोक्ने निर्णय भएको छ ।”
प्रतिक्रिया
सम्बन्धित समाचार
