काठमाडौँ – आगामी आर्थिक वर्ष २०८३/८४ को बजेट अन्तिम स्वीकृतिका लागि सरकारले आज मन्त्रिपरिषद् बैठक बोलाएको छ। दिउँसो साढे २ बजे बस्ने बैठकले संसद्मा प्रस्तुत गरिने बजेट पारित गर्ने कार्यसूची रहेको अर्थ मन्त्रालयले जनाएको छ।
मन्त्रिपरिषद्बाट बजेट अनुमोदन भएपछि दिउँसो ४ बजे सिंहदरबारमा बस्ने संघीय संसद्का दुवै सदनको संयुक्त बैठकमा बजेट प्रस्तुत गरिनेछ।
गत फागुन २१ गते सम्पन्न प्रतिनिधि सभा निर्वाचनपछि गठन भएको झण्डै दुईतिहाइ बहुमतसहितको रास्वपा नेतृत्वको सरकारले पहिलोपटक पूर्ण बजेट ल्याउन लागेको हो। आर्थिक सुधार, विकास निर्माण, रोजगारी विस्तार तथा लगानी प्रवर्द्धनलाई प्राथमिकतामा राखेर बजेट आउने अपेक्षा गरिएको छ।
संसद्मा पेश गर्नुअघि मन्त्रिपरिषद्बाट बजेट अनुमोदन गर्ने अभ्यासअनुसार सरकारले बजेटलाई अन्तिम रूप दिन आजको बैठकलाई महत्वपूर्ण मानिएको छ।
