काठमाडौँ – आगामी आर्थिक वर्ष २०८३/८४ का लागि तयार पारिएको बजेटलाई सरकारले आज बसेको मन्त्रिपरिषद् बैठकबाट स्वीकृत गरेको छ।
आज दिउँसो साढे २ बजे बसेको बैठकले संसद्मा प्रस्तुत गरिने बजेटलाई अन्तिम रूपमा अनुमोदन गरेको हो।
मन्त्रिपरिषद्बाट बजेट पारित भएसँगै आजै दिउँसो ४ बजे सिंहदरबारमा संघीय संसद्का दुवै सदनको संयुक्त बैठकमा बजेट प्रस्तुत गरिनेछ।
गत फागुन २१ गते सम्पन्न प्रतिनिधिसभा निर्वाचनपछि गठन भएको झण्डै दुईतिहाइ बहुमत प्राप्त रास्वपा नेतृत्वको सरकारले पहिलो पटक पूर्ण बजेट ल्याएको हो। सरकारले आर्थिक सुधार, विकास निर्माण, रोजगारी विस्तार तथा लगानी प्रवर्द्धनलाई मुख्य प्राथमिकतामा राखेर बजेट तयार गरेको छ।
संसद्मा प्रस्तुत गर्नुअघि मन्त्रिपरिषद्बाट बजेट स्वीकृत गर्ने संवैधानिक अभ्यासअनुसार आजको बैठकलाई महत्वपूर्ण मानिएको थियो।
प्रतिक्रिया
सम्बन्धित समाचार
