१३ पुस, काठमाडौं । नेपाल भ्रमणको क्रममा रहेको चिनियाँ कम्युनिष्ट पार्टीका अन्तर्राष्ट्रिय विभागका उपमन्त्री गुओ येचौ नेतृत्वको टोली नेपाल आएसंगै नेपालका शिर्ष नेताहरु संग भेटवार्ता गरिरहेको छ। भेटवार्ताको क्रममा उक्त चिनियाँ उपमन्त्रीको टोलीले नेकपा अध्यक्ष पुष्पकमल दाहाल ‘प्रचण्ड’सँग भेटवार्ता गरेको छ । भेटवार्ताका लागि चिनियाँ टोली प्रचण्ड निवास खुमलटार पुगेको छ ।
उक्त भेटमा नेकपाको समुहगत विभाजन, प्रतिनिधिसभा विघटन लगायतका समसामयिक विषयमा कुराकानी भएको जनाइएको छ ।
आइतबार दिउँसो नेपाल आएको चिनियाँ टोलीले आइताबाई नै राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग पनि अलग–अलग भेटवार्ता गरेको थियो ।
सो टोलीले आज नेकपाका अर्का अध्यक्ष माधव कुमार नेपालसँग पनि भेटवार्ता बताइएको छ ।
प्रतिक्रिया
