बिश्वभर संक्रमणको रुपमा फैलिरहेको कोरोना भाइरस अर्थात कोभिड १९ संक्रमण नेपालमा पनि देखिएपछि सरकारले आजदेखि एक साताका लागि देशै लकडाउन गरेको छ ।
सरकारले आजबाट देशभर लक डाउन गरे पछि रसुवाको सदरमुकाम धुन्चे सहित मुख्य बजार सुनसान भएको छ । सदरमुकाम धुन्चे सहित स्याफ्रुबेशी, कालिकास्थान, बेत्रावती लगायतका बजार बिहानै देखी सुनसान भएका छन् ।
जिल्लामा अत्यावश्यक बाहेक कुनै पनि सवारी साधन चलेका छैनन् भने मानिसहरु छिटपुट रुपमा देखिएका छन् । सडकमा निस्किएका कतिपय मानिसहरूलाई प्रहरीले सम्झाएर घर फर्काइरहेको छ ।