रसुवामा धार्मिकस्थलमा जम्मा भएर बसेको पाइए क्वारेन्टाइनमा राखिने भएको छ । कोरोना भाइरस नियन्त्रण तथा रोकथामका लागि बुधबार बसेको जिल्लास्तरिय कोभिड १९ संकट व्यवस्थापन केन्द्रको बैठकले जिल्लाभित्रका धार्मिकस्थलमा जम्मा भएर बसेको पाइए क्वारेन्टाइनमा राख्ने निर्णय गरेको हो ।

जिल्ला भित्र रहेका मन्दिर , गुम्बा , चर्चहरु लगायत सामुहिक भेला जम्मा हुने सार्वजनिक स्थलमा मानिसहरु जम्मा हुने तथा आश्रय लिई बसेको पाईएमा तत्काल नियन्त्रणमा लिइने निर्णय भएको प्रमुख जिल्ला अधिकारी अर्जुन भण्डारीले बताए ।

नियन्त्रणमा लिएकाहरुको ट्राभल, कन्ट्रयाक हिस्ट्री र आवश्यकताको आधारमा क्वारेन्टाइनमा राख्ने निर्णय भएको उनले बताए ।