रसुवामा गाई काटेको अभियोगमा पाँच जनालाई प्रहरीले पक्राउ गरेको छ । पक्राउ पर्नेमा जिल्लाको उत्तरगया गाउँपालिका ४ मनिगाउँका ३० वर्षिय राम हरि तामाङ, २१ वर्षिय भुवन गलान, २० वर्षिय सन्तबहादुर थिङ, २० वर्षिय दिपेन्द्र थिङ र ३५ वर्षिय बाटुली थिङ रहेका छन् ।
बिहिबार बिहान करिब ५ बजे जिल्लाको कालिका गाउँपालिका २ बस्ने नन्दकुमारी ढकालले आफनो गोठको गाई चोरी भएको थाहा पाएपछि इलाका प्रहरी कार्यालय कालिकास्थानलाई जानकारी गराएकि थिइन् ।
प्रहरीले खोजतलास गर्दा बुधबार राती चोरी गरि एकान्त जंगलमा लगि मासु लगेको पाइएपछि गाइको मासु सहित पाँचै जनालाई पक्राउ गरिएको जिल्ला प्रहरी कार्यालय रसुवाका प्रहरी नायब उपरिक्षक इन्द्र सुवेदीले बताए ।
लकडाउनको समयमा सुनसान अवस्थामा चोरी गरि काटेको पाइएको समेत प्रहरीले जनाएको छ । पक्राउ परेका पाँचै जनालाई चोरी तथा पशुपन्छी सम्बन्धि कसुरमा अनुसन्धान भइरहेको प्रहरीले जनाएको छ ।
