काठमाडौं । लक डाउनमा दैनिक उपभोग्य सामाग्री खरिदका लागि उपभोक्तालाई सहज बनाउन भाटभटेनी सुपरमार्केटले उपत्यकामा ६ शाखा खोल्ने भएको छ । सुपरमार्केटका चिफ अपरेटिङ अफिसर पानु पौडेलले काठमाडौं, भक्तपुर र ललितपुरका उपभोक्तालाई मध्यनजर गरि शाखाहरु सुचारु गर्न लागिएको बताए ।

उनका अनुसार महाराजगन्ज, नक्साल, कंलकी, पुरानो भाटभटेनी, भक्तपुर र पुल्चोकको स्टोर खुल्ने छ । ती स्टोरहरु दैनिक दिउँसो १ वजेदेखी बेलुका ७ बजेसम्म मात्र खुल्ने छ । स्टोरमा एक पटकमा १० जनालाई मात्र प्रवेश दिइने छ । त्यस्तै सामाजीक दुरी कायम गर्न ५÷५ फिटको दुरीमा बस्नका लागि मार्किङ गरिएको उनले बताए ।

यस्तै उपत्यका बाहिर रहेका १० वटा स्टोर भने सुचारु रहेको छ । लक डाउनपछि बन्द भएको स्टोरले यस अघि होम डेलिभरीको सुविधा दिदै आएको थियो । उपभोक्ताको स्वास्थ्यलाई मध्यनजर गरी पूर्ण रुपमा सुरक्षीत रहन सर्तकता अपनाएको जनाएको छ ।