काठमाडौं । कोरोना भाइरसले प्रभावित भएको ट्रेकिङ व्यवसायको नविकरण म्याद ६ महिना थप्न ट्रेकिङ एजेन्सिज एशोसिएसन अफ नेपाल(टान)ले माग गरेको छ । भाइरसको प्रभावले एजेन्सीहरु अहिले समस्यामा परेको भन्दै नबिकरण समय ६ महिनाका लागि थप गर्नुपर्ने माग राखि सरकारी निकायमा पत्राचार गरिएको टानका अघ्यक्ष खुम बहादुर सुवेदीले बताउनु भयो।

म्याद थपको लागि पर्यटन विभागमा पत्र पठाइसकेको अघ्यक्ष खुम बहादुर सुवेदीले बताउनु भयो। ‘अहिलेकै अवस्थामा नविकरण हुन सक्ने अवस्था छैन ।’ हरेक पाँच÷पाँच वर्षमा ट्रेकिङ एजेन्सीको नविकरण गर्नुपर्ने हुन्छ । भाइरसको प्रभावपछि लक डाउन गरेको एक महिना भइसकेको छ । यो अवधिमा नविकरण नभएकाहरुलाई जरिवाना नलिन  ६ महिना म्याद थप गर्नुपर्ने टानले माग गरेको छ।