ऐजेन्सी। अमेरिकी राष्ट्रपति डोनाल्ड ट्रम्पले सन् २०१६ मा राष्ट्रपतिमा निर्वाचित भएको वर्ष आफ्नो आयकर केवल ७ सय ५० अमेरिकी डलर मात्रै तिरेको दि न्युयोर्क टाइम्सको आरोप छ ।
सो पत्रिकाले राष्ट्रपति ट्रम्प र उहाँका कम्पनीहरुको दुई दशकको कर सम्बन्धी जानकारी आफूसँग भएको बताउँदै बितेको १५ वर्षमा १० वर्ष कुनै पनि आयकर नबुझाएको पनि जनाएको छ । कम्पनीले घाटा व्यहोरेको जनाउँदै कर नतिरेको उल्लेख गरिएको छ ।
दि न्युयोर्क टाइम्सको सो समाचार पूर्ण रुपमा गलत भएको राष्ट्रपति ट्रम्पले प्रतिक्रिया दिनुभएको छ ।
आइतबार राष्ट्रपति ट्रम्पले कर छली गरेको सम्बन्धी समाचार छापिएपछि प्रतिक्रिया दिंदै उहाँले आफूले कर तिरेको तर त्यो फिर्ता भएको जानकारी दिनुभएको छ ।