१८ चैत्र, महोत्तरी । घाँस काट्न जाँदा बेपत्ता भएका सात बालिका र किशोरीहरु भारतको सीतमढीमा भेटिएको भङ्गाहा नगरपालिकाका मेयर संजिव सिंहले बताउनुभएको छ।
मङ्गलबार दिउँसो महोत्तरीको भङ्गाहा नगरपालिका–८ धर्मपुरबाट घाँस काट्न गएका १० देखि १८ वर्षसम्मका सात बालिका र किशोरी बेपत्ता भएका थिए।
उनीहरु भारतको सीतामढीमा भेटिएको र नेपाल ल्याउने तयारी भइरहेको मेयर सिंहले जानकारी दिनुभयो ।
त्यस्तै महोत्तरीका प्रहरी प्रमुख एसपी दिनेश आचार्यले हराइरहेकाहरु सबै सीतामढीमा भेटिएको अपुष्ट खबर प्राप्त भएको बताउनुभयो । खबर पाएलगत्तै नेपाल प्रहरीको टोली सीतामढी प्रस्थान गरेको बताउनुभयो ।
धर्मपुरको दलित बस्तीका घाँस काट्न भनी समूहमा निस्केका १० वर्षीयाद्वय रञ्जना पासवान र सीमा पासवान, १३ वर्षीया ज्योति पासवान, १५ वर्षीयाद्वय रिया पासवान र रचना पासवान एवं १८ वर्षीयाद्वय नगिना पासवान र अस्मिता पासवान सम्पर्कविहीन भएका थिए।
सम्पर्कविहीन भएका सातमध्ये नगिनास कृष्णा पासवान, सीमास देवनन्दन पासवान, ज्योतिस बिसुन पासवान, रियास ज्ञानकुमार पासवान र रचनास अरविन्द पासवानका छोरी भएको खुलेको छ।
