२ बैशाख, कास्की । गण्डकी प्रदेशसभाको बैठक बोलाउन माग गर्दै काँग्रेससहितका तीन दलले प्रदेश प्रमुख अमिक शेरचनसमक्ष समावेदन निवेदन पेश गरेका छन्।

प्रदेश प्रमुखले अकस्मात संसद अधिवेशन अन्त्य गरिदिएपछि गण्डकी प्रदेशमा नेपाली कांग्रेस, नेकपा माओवादी केन्द्रसहितका दलले विशेष अधिवेशन आह्वानको माग गरेका हुन्।

कांग्रेस, माओवादी केन्द्र र जनता समाजवादी पार्टीका नेताहरु विशेष अधिवेशन आह्वानको निर्णय गरी प्रदेश प्रमुखलाई भेट्न गएका छन् ।

मुख्यमन्त्री पृथ्वी सुब्बा गुरुङले सरकारविरुद्ध अविश्वास प्रस्ताव दर्ता हुने भएपछि त्यसलाई छल्न बुधबार रातिको मिति राखेर अधिवेशन अन्त्यको घोषणा प्रमुखमार्फत गराएका थिए ।