जेठ ७ पोखरा,
पोखरामा अक्सिजन प्लान्ट बनाउन बतास फाउन्डेसनले अग्रसरता लिइरहेको छ ।
बतास फाउन्डेसनको अग्रसरतामा अक्सिजन प्लान्ट निर्माणका लागि समिति गठन गरिएको छ ।
पोखरास्थित स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) मा उक्त अक्सिजन प्लान्ट निर्माण हुने भएको हो । समितिको संरक्षकमा पोखरा महानगरपालिकाका प्रमुख मानबहादुर जिसी रहेका छन् ।
त्यस्तै समितिको संयोजकमा बतास फाउन्डेसन तथा बतास अर्गनाइजेसनका अध्यक्ष आनन्दराज बतास चयन भएका छन् । त्यस्तै समितिको कोषाध्यक्षमा अटोवेज प्रालिका प्रवन्ध निर्देशक नारायणप्रसाद पौडेल चयन भएका छन् ।
समितिका सदस्यहरूमा केसी ग्रुपका किरण केसी, सेलवेज ग्रुपका प्रवन्ध निर्देशक सुशीलमान प्रधानाङग, पोखरा उद्योग वाणिज्य संघका पूर्वअध्यक्ष विश्वशंकर पालिखे, सुपरमादी हाइड्रोका अध्यक्ष पुष्पज्योती ढुंगाना र पत्रकार दीपेन्द्र श्रेष्ठ छन् । उक्त अभियान अन्तर्गत ३ करोड ३३ लाखभन्दा बढी रकम संकलन भइसकेको छ । बतास फाउण्डेसनलेका तर्फबाट २५ लाख रुपैयाँ बिउ पुँजी राखेर अभियान सुरू भएको थियो ।
