काठमाडौं , २१ असार
निषेधाज्ञा खुकुलो भएसँगै सरकारले विदेशमा अध्ययन गर्न जाने विद्यार्थीहरुका लागि वैदेशिक अध्ययन स्वीकृति पत्र(एनओसी) खुला गरेको छ ।
शिक्षा मन्त्रालयका उपसचिव नारायणप्रसाद पोख्रेलद्धारा जारी सूचनामा तत्कालका लागि जापान,अस्ट्रेलिया,दक्षिण कोरिया,बंगलादेश र चीनमा अध्ययन गर्न जाने विद्यार्थीका लागि एनओसी दिन खुला गरिएको हो ।
असार ७ गतेको मन्त्रिपरिषदको निर्णय बुदा नं ३(क) अनुसार जनस्वास्थ्यका मापदण्डको पूर्णपालना हुने गरी वायुसेवा र सम्वन्धित देशका वायुसेवाहरुबाट देहायबमोजिमको नियमित दुईतर्फि अन्तर्राष्ट्रिय उडान गर्न पर्यटन मन्त्रालयले आवश्यक व्यवस्था मिलाउने निर्णय भएसँगै एनओसी खुला गर्ने निर्णय २० गतेको सचिवस्तरीय बैंैठकले गरेको जनाएको छ ।
यो निर्णयबाट लामो समयदेखि अध्ययनका लागि विदेश जानबाट रोकिएका विद्यार्थीहरुका लागि बाटो खुलेको छ ।
तर,केही मुलुकहरुले नेपाललाई कोभिडका कारण उडान प्रतिबन्ध लगाएको हुँदा सहज रुपमा यात्रा गर्न भने मुस्किल पर्ने देखिन्छ ।
