१६ भदौ, काठमाडौं । नेकपा एमाले छोडेर प्रदेश १का १० जना प्रदेश सभा सदस्य नवगठित नेकपा (एकीकृत समाजवादी) मा पुगेका छन् । उनीहरु सनाखत गर्न विराटनगरस्थित निर्वाचन आयोगको कार्यालयमा पुग्दै छन्। १० जनामध्ये ८ जना निर्वाचन आयोग पुगिुकेको छन् भने २ जना (उपेन्द्र घिमिरे र कृष्ण कुमारी राई) बाटोमा आउँदै गरेको बताइएको छ।

राजेन्द्र राई, राजन राई, गणेश काङमाङ, सावित्रा रेग्मी, सरिता थापा, खिनोलङ्वा लिम्बु, पदमकुमारी गुरुङ र सुनिताकुमारी चौधरी विराटनगरस्थित निर्वाचन आयोग पुगिसकेका छन् ।

यी १० जना सांसदले एकीकृत समाजवादीका पक्षमा सनाखत गरे प्रदेश १ का मुख्यमन्त्री भीम आचार्य अल्पमतमा पर्नेछन्। ९३ सदस्यीय प्रदेश सभा अहिले ९२ जना सांसद छन्।