समाधि
“आमा म यस धरतीमा आएर के गर्नु म गर्भैबाट तुहिन्छु है !”
के भनेको नानी यस्तो ? कस्तो दान व्रत धर्मपछि खेतै बन्धक राखेर तिमीलाई बल्ल गर्भमा राखेँ । सुखका क्षण अनुभूति गर्दै सबै व्यग्र रुपमा तिम्रो प्रतीक्षा छन् । अव त्यो अपूर्व क्षण नजिक आउँदा तिमी त्यस्तो कुरा गर्दैछौ ।
आमाको कुरा सुनेर नानीले भन्यो “मलाई पनि थाहा छ आमा त्यो क्षणको व्यग्रताबारे ,तर मलाई जवाफ चाहिएको छ, सुरक्षाको प्रत्याभूति चाहिएको छ। पहिले यो त भन्नुस् मलाई खुवाउन तपाईसँग अन्नको भण्डारण कति छ ? आफैँ जेनतेन पेट भरिरहनुभएको छ हो कि होइन ? पिलाउनलाई धारामा पानी आइरहेको छ ? उज्यालो र मलाई केही तातो गर्न बिजुली छ ?धुलो ,धुवाँ र ध्वनि प्रदुषणबाट अहिले नै मेरो मुटु र मष्तिस्क असर परिरहेको छ,मलाई यो पनि थाहा छ तपाईहरु मेरो सुरक्षाका लागि केही गर्न सक्नु हुन्न । यसैले पहिलानै तुहिएरै जानु बाहेक विकल्प अरु छैन । यति भन्दै टेस्टट्यूव बेबि कुनै योगी झैँ समाधिमा लिन भयो ।
-युवराज मैनाली
