३० भदौ, काठमाडौं । चीनका राष्ट्रिय जनकंग्रेस स्थायी समितिका अध्यक्ष ली चान्सुको चार दिने नेपाल भ्रमण सकिएलगत्तै बन्द भएका चिनियाँ नाका खुलेका छन् ।
तीब्बतमा कोरोना भाइरसको संक्रमण बढेको भन्दै चीनले तिब्बतमा भदौ महिनाको पहिलो सातादेखि नाका बन्द गरेको थियो । नाका बन्द भएको करिब एक महिनापछि आजदेखि रसुवागढी नाकाबाट चीनले रोकिएका कन्टेनर छाड्न लागेको हो ।
चीनले हाल दुई वटा चिनियाँ नाका खुला गरेको छ । तातोपानी भन्सार नाका यही साताको शनिबारदेखि आंशिकरुपमा भए पनि खुलिसकेको छ । त्यहाँबाट केही सामान नेपाल भित्रिन थालेको छ । शनिबारदेखि यता अहिलेसम्म १५ कन्टेनर सामान नेपाल भित्रिसकेको छ ।
नेपाल भ्रमणमा रहेका चान्सुसमक्ष नेपालका सबै नेताले नाकामा भएको अवरोध हटाउन अनुरोध गरेका थिए । सोही अनुरोधलाई सम्बोधन गर्दै चीनले हाललाई दुई वटा नाका खोलेको बताइएको छ ।
प्रतिक्रिया
सम्बन्धित समाचार
