काठमाडौँ । दोस्रो एकदिवसीय खेलमा आयरल्यान्ड ए ले नेपाल ए लाई १७५ रनको लक्ष्य दिएको छ ।
कीर्तिपुरस्थित टियु क्रिकेट मैदानमा टस हारेर पहिला ब्याटिङको निम्तो पाएको आयरल्यान्ड ३८.४ ओभरमा १७४ रनमा अलआउट भयो ।
आयरल्यान्डका गाभिन होईले ५९ बलमा ५ चौका र २ छक्कासहित सर्वाधिक ५० रन बनाए ।
कप्तान निल रकले ४५ रन जोड्दा लियाम म्याकार्थीले ३५ रन जोडे । पिटर मुर १७ रनमा आउट भए ।
बलिङतर्फ नेपालका साहब आलम र रिजन ढकालले ३–३ विकेट लिए । यस्तै, मौसम ढकालले २ तथा कमलसिंह ऐरीले १ विकेट लिए ।
प्रतिक्रिया
सम्बन्धित समाचार
