काठमाडौँ । वरिष्ठ सेफ्स रामबहादुर खड्का विगत एक दशकदेखि काठमाडौँको जमलमा रहेको एल्लो प्यागोडा होटलमा कार्यरत हुनुहुन्छ ।
विस २०३६ पुस २८ गते ओखलढुङ्गा जिल्लाको साविक यसम गाउँ विकास समिति वडा नं ३ (हाल : लिखु गाउँपालिका वडा नं ४) मा बुबा यज्ञबहादुर र माता रिकमाया खड्काको माईलो सुपुत्रका रुपमा कार्यरत रामबहादुर विगत १० वर्षदेखि एल्लो प्यागोडा होटलको कार्यकारी सेफ्समा कार्यरत हुनुहुन्छ ।
नेपालमा कार्यरत सेफ्सहरु नयाँ अवसरका लागि नेपालकै नयाँ होटल तथा विदेशमा जाने होडवाजी गरेपनि खड्का भने आफूले एक दशक अगाडि सुरु गरेको एल्लो प्यागोडा होटलमै रमाइरहनुभएको छ ।
व्यवस्थापनको सहयोग र आफ्नो कामको लगनशीलताका कारण उहाँ सोही ठाउँमा आफ्नो कार्यलाई निरन्तरता दिनुभएको हो । विस वर्ष पहिले काठमाडौँको गोँगबुस्थित आगमन होटल ट्रेनिङ सेन्टरमा होटल कुकसम्बन्धी तालिम लिनुभएका खड्का १९ वर्षदेखि सेफ्स पेशामा आवद्ध हुँदै आउनुभएको छ । वरिष्ठ सेफ्स खड्काले ६ महिना होटल म्यानेजमेन्ट ट्राभल एण्ड टुरिजम हालको नाथममा तालिम लिनुभएको थियो ।
सुरुको समयमा ओमि चाइनिज रेष्टुरेन्टमा काम सुरु गर्नुभएका खड्कासँग बैशाली होटल ठमेल, ठमेल ईको होटल, रोयल सिङ्गी होटल दरबारमार्गमा काम गरिसकेको अनुभव छ । उहाँले कामको सिलसिलामा खाना मिठो हुँदा सबैको प्रिय र खाना नमिठो हुँदा धेरैले गालीसमेत गरेको बताउनुभयो ।
