काठमाडौँ । आठौँ ‘राइजिङ स्टार’को उपाधि नियासा प्रधानाङ्ग र सिमिका भट्टराईले हात पारेका छन् । रेष्ट इङ्लिस स्कुल, भक्तपुर कक्षा ५ मा अध्ययनरत नियासाले जुनियर र काठमाडौँ ग्लोबल स्कुल, गोंगबु कक्षा ७ मा अध्ययनरत समिकाले सिनियर तर्फको उपाधि चुमेका हुन् ।
प्याब्सन काठमाडौँको सहकार्य रहेको प्रतियोगितामा कक्षा २ देखि १० सम्मका विभिन्न स्कुलका विद्यार्थी सहभागी थिए । सांस्कृतिक संस्थानका निवर्तमान महाप्रबन्धक एवं वरिष्ठ पत्रकार अशोक प्यासी राई, प्याब्सन काठमाडौँका उपाध्यक्ष सूर्य भण्डारी, राष्ट्रिय बालअधिकार परिषद्का उपाध्यक्ष कवि बम बानियाँ, प्रसिद्ध गायक अशोक मुकारुङ, मिस लिटिल कन्टिनम स्कुलका एकेडेमीक डाइरेक्टर प्रभिना थापा, मिस मंगोल २०२१ की विजेता प्रिल्ला घिसिङ, राइजिङ स्टार सिजन २ का विजेता अनुष्का मानन्धर र राइजिङ स्टार सिजन ५ का विजेता प्रसून बडाल निर्णायक रहेका थिए ।