रसुवा। रसुवा-नौकुण्ड गाउँपालिका रसुवामा बिधालयको प्रधानाध्यापक नियुक्तिको बिबादले आज तोकिएको १८ औं गाउँसभा नै स्थगित भएको छ।
बिगत एक बर्ष देखि बिधालय ब्यबस्थापन समितिको अधिकार नै हनन गरेर पालिकाभरिको बिधालयहरुको प्रधानाध्यापक परिवर्तन गर्नुपर्ने अडान लिएर गाउँपालिका उपाध्यक्ष चन्द्र बहादुर तामाङ कार्यकक्ष बाट निस्किएपछि बैठक स्थगित भएको नौकुण्ड गाउँपालिका अध्यक्ष नुर्बु स्याङबो घलेले बताउनुभयो।
पालिकाभरिको २९ वटा बिधालयहरुको प्रधानाध्यापक परिवर्तन गर्नुपर्ने अडान बिगत लामो समयदेखी शिक्षासमितिमा उठाउदै आएको अध्यक्ष घलेले बताउनुभयो।
नागरिकको आपेक्षा अनुसारको काम गर्नको लागि बजेट ल्याउनको लागि आफू लागिपरेको छु तर गाउँकार्यपालिकामा आफ्नो पक्षमा बहुमत नहुँदा असहज भएको उहाँले बताउनुभयो।
बजेटमा असहमति भए त्यसको जिम्मेवार स्वयं उपाध्यक्ष सहितको टिमले लिनुपर्ने अध्यक्ष घलेले बताउनुभयो।
