काठमाडौँ । साताको कारोबारको पहिलो दिन सेयरबजार बढेको छ । नेपाल स्टक एक्सचेन्जका अनुसार आइतबार सेयर मापक सूचक नेप्से परिसूचक १९.२७ अंकले बढेर २६७४.२० अंकमा पुगेको छ ।
आज नेप्सेमा कारोबार भएका १३ ओटै उपसमुहको सेयरमूल्य बढेको छ ।
आइतबार नेप्सेमा राधी विद्युत् कम्पनीको सबैभन्दा धेरै कारोबार भएको छ। कम्पनीको ३६ करोड ५ लाख ३ हजार रूपैयाँ बढीको कारोबार भएको हो ।
आज साल्पा विकास बैंक र रिलायन्स स्पिनिङ मिल्सका लगानीकर्ताले सबै भन्दा बढी कमाएका छन् । यस कम्पनीको सेयरमूल्य ९.९९ प्रतिशतले बढेर सकारात्मक सर्किट लागेको छ ।
यस्तै, हिमस्टार उर्जा कम्पनीका लगानीकर्ताहरूले सबैभन्दा बढी गुमाएका छन् । यस कम्पनीको सेयरमूल्य ४.१६ प्रतिशतले घटेको छ ।
कुल ३४१ कम्पनीको एक करोड ३१ लाख ९३ हजार ४६२ कित्ता सेयर किनबेच हुँदा ५ अर्ब ६४ करोड ८३ लाख १९ हजार रूपैयाँ बढिको कारोबार भएको नेप्सेले जनाएको छ ।
