काठमाडौ – राष्ट्रिय स्वतन्त्र पार्टी (रास्वपा) को केन्द्रीय सदस्यका लागि आज बिहानदेखि मतदान सुरु हुँदैछ।
केन्द्रीय निर्वाचन आयोगका प्रमुख भुवन केसीका अनुसार मतदान बिहान ९ बजेदेखि गर्ने तयारी छ।
केन्द्रीय सदस्य र पदाधिकारीको मतदानमा इलेक्ट्रोनिक भोटिङ मेसिन (ईभीएम) सँगै मोबाइल एप प्रयोग गर्ने तयारी रास्वपाले गरेको छ। मतदान स्थलमा ८० ओटा मसिन तयारी अवस्थामा राखिएको केसीले बताउनु भयो ।
केसीका अनुसार मतदान सकिएको दुई घण्टामै मतपरिणाम आउँछ।’
रास्वपाको महाधिवेशनमा दुई चरणमा निर्वाचन गर्ने पार्टी विधानमा व्यवस्था छ।
विधानअनुसार पहिलो चरणमा सभापति र ९९ केन्द्रीय सदस्यको निर्वाचन हुनेछ। दोस्रो चरणमा पदाधिकारीको निर्वाचन हुने व्यवस्था रास्वपाको विधानमा छ। ९९ केन्द्रीय सदस्य पदका लागि ४०० बढीको उम्मेदवारी परेको आयोगले जनाएको छ ।
केन्द्रीय सदस्यमा निर्वाचित हुने नेता मात्रै पदाधिकारीको उम्मेदवार बन्न पाउनेछन्।
रास्वपाले यसपटक विधान संशोधन गरेर पदाधिकारीको संख्या १९ पुर्याइएको छ। यसअघि रास्वपामा पदाधिकारी संख्या १२ थियो ।
