काठमाडाैँ –  मुग्लिन–नारायणगढ सडकखण्डअन्तर्गत नाम्सी खोलाको पुल नजिकै माथिबाट स–साना ढुंगा सडकमा खसेका छन्।

सडक डिभिजन कार्यालय भरतपुरका अनुसार बिहीबार बिहान ९:३५ बजेको समयमा ढुंगा सडकमा खसेका हुन्। सडकमा खसेका ढुंगा हटाउन केही समय लाग्ने कार्यालयले जनाएको छ।

हाल उक्त स्थानमा नयाँ पुलबाट सवारीसाधन सञ्चालन भइरहेको सडक डिभिजन भरतपुरले जानकारी दिएको छ।

सडकमा ढुंगा खस्ने जोखिम रहेकाले यात्रु तथा चालकलाई सावधानी अपनाएर मात्रै यात्रा गर्न कार्यालयले आग्रह गरेको छ। यात्रा गर्दा सडकको अवस्था हेरेर, आवश्यक परे सवारी रोकेर र अवस्था बुझेर मात्रै अघि बढ्न अनुरोध गरिएको छ।

सडक डिभिजन भरतपुरले सडकमा खसेका ढुंगा हटाउने काम भइरहेको जनाउँदै यात्राका क्रममा विशेष सतर्कता अपनाउन आग्रह गरेको हो।