काठमाडौं- रसुवा–त्रिशूली करिडोरमा आएको भीषण बाढीका कारण हालसम्म ३ सय ५९ जनाले ज्यान गुमाएका छन् ।
राष्ट्रिय विपद् जोखिम न्युनिकरण तथा व्यवस्थापन प्राधिकरणकी प्रवक्ता शान्ति महतले बिहीवार साँझ ६ः२० बजेसम्म ३ सय ५९ वटा शव फेला परेको जानकारी दिनुभएको हो । उहाँका अनुसार चितवनमा सबैभन्दा धेरै १ सय ३२ शव फेला परेका छन् ।
त्यस्तै, धादिङमा ३३, नुवाकोटमा २८, रसुवामा १७, गोर्खामा ३०, विभिन्न अङ्गहरु समेत गरेर नवलपरासी पूर्वमा ८२, नवलपरासी पश्चिममा १५ र तनहुँमा २२ शव फेला परेको प्रवक्ता महतले जानकारी दिनुभयो ।
उहाँले बाढीमा परि अहिलेसम्म ९ सय १० जना रहेको तथ्यांक प्राप्त भएको समेत बताउनुभयो । प्रवक्ता महतका अनुसार सम्पर्कविहीन हुनेमा ५ सय १७ जना विदेशी नागरिक रहेका छन्
। त्यसैगरी, नेपाल प्रहरी २८, नेपाली सेना ४४, सशस्त्र प्रहरी बल १३, भन्सार कार्यालयका १५ जना कर्मचारी, अध्यागमन कार्यालयका ४ जना कर्मचारी समेत सम्पर्कविहीन भएका छन् ।
उहाँले बाढीका ७३ जना घाइतेको विभिन्न अस्पतालमा उपचार भइरहेको समेत जानकारी दिनुभयो । उहाँले विपद्पछिको खोज, उद्धार र राहतका लागि १३ हजारभन्दा बढी सुरक्षाकर्मीहरु फिल्डमा खटिएको समेत बताउनुभयो ।
उहाँले भन्नुभयो, ‘अहिले सम्मको हामीलाई प्राप्त अध्यावधिक विवरण अनुसार मानवीय क्षतितर्फ ३ सय ५९ वटा शव फेला परेको छ । त्यसमध्ये धादिङमा ३३, नुवाकोटमा २८, रसुवामा १७, गोर्खामा ३०, विभिन्न अङ्गहरु समेत गरेर नवलपरासी पूर्वमा ८२, नवलपरासी पश्चिममा १५, तनहुँ २२ र चितवनमा १ सय ३२ गरेर ३ सय ५९ शवहरु फेला परेको छ । सम्पर्कविहीन ९ सय १० जना रहनुभएको जानकारी आएको छ ।
सम्पर्कविहीन हुनेमा विदेशी नागरिक ५ सय १७ जना हुनुहुन्छ । त्यसैगरी, नेपाल प्रहरी २८ जना, नेपाली सेना ४४ जना, सशस्त्र प्रहरी बल १३ जना, भन्सार कार्यालयका १५ जना कर्मचारी, अध्यागमन कार्यालयका ४ जना रहनुभएको छ ।
रसुवामा अन्य १ सय ६१ जना, नुवाकोटमा १ जना गरेर सम्पर्कविहीन रहेको जानकारी प्राप्त भएको छ । बाढीमा परी ७३ जना घाइते हुनुहुन्छ । रसुवामा ४३, धादिङमा ३, नुवाकोटमा २७ जना घाइते भएको तथ्यांक प्राप्त भएको छ ।
खोज र उद्धारका लागि हिजोदेखि नै राज्यका संयन्त्रहरु परिचालित हुनुहुन्छ । अहिलेसम्म १३ हजार २ सय ५ जना सुरक्षाकर्मीहरु फिल्डमा खटिनुभएको छ ।’
उहाँले विपद्पछि खोज, उद्धार र राहतमा राज्य संयन्त्र सम्पूर्ण शक्तिसहित परिचलित भएको बताउनुभयो ।
