काठमाडौँ- तुदीँ कन्स्ट्रक्सनले रसुवा बाढी पीडितका लागि १ करोड ६२ लाख रुपैयाँ सहयोग गरेको छ ।
रसुवा जिल्लाको भोटेकोसी नदीमा आएको विनाशकारी बाढीबाट प्रभावित नागरिकको खोजी, उद्धार, राहत तथा पुनः स्थापनाका लागि प्रधानमन्त्री दैवी प्रकोप उद्धार कोषमा तुदीँ कन्स्ट्रक्सनले १ करोड ६२ लाख रुपैयाँ आर्थिक सहयोग गरेको हो ।
प्राकृतिक विपद्का कारण रसुवा, नुवाकोट, धादिङ, गोरखा, तनहुँ, चितवन लगायतका जिल्लाहरूमा मानवीय तथा भौतिक क्षति तथा नागरिकको दैनिक जीवन प्रभावित भइरहेको वर्तमान अवस्थामा राहत तथा उद्धार कार्यमा सहयोग पुर्याउने उद्देश्यले तुदीँ कन्स्ट्रक्सनले सो कोषमा रकम सहयोग गरेको जनाएको छ ।
तुदीँ कन्स्ट्रक्सनका अध्यक्ष ऋषि सुवेदीले आज अर्थ मन्त्रालयमा आयोजित एक कार्यक्रममा अर्थमन्त्री स्वर्णिम वाग्लेलाई सो चेक हस्तान्तरण गर्नुभयो।
प्रतिक्रिया
सम्बन्धित समाचार
